Ahmedabad : Journalist Auzef Aabeda pathan
અમદાવાદમાં પોલીસ અધિકારી દેવદૂત બન્યા છે. 7 વર્ષની દીકરીના હૃદયનું ઈલાજ કરાવીને તેને નવું જીવન પ્રદાન કર્યું છે. પોલીસની માનવતા અને કરુણાનું ઉત્તમ છબી સામે આવી છે. 7 વર્ષની લાડકવાઈ દીકરી જીવન મરણ વચ્ચે લડી રહી હતી. પરંતુ ગરીબ શ્રમજીવી પરિવાર પાસે એટલા પૈસા નહતા કે દીકરીના હદયનો ઈલાજ કરાવી શકે. ઇસનપુરમાં ફુલોની નર્સરીમાં નોકરી કરતા મુકેશ કુશવાહ મૂળ આગ્રાના રહેવાસી છે. તેમની 7 વર્ષની દીકરી સતત બીમાર રહેતી હતી. હોસ્પિટલમાં રિપોર્ટ કઢાવ્યો તો દીકરીના હદયમાં કાણું હોવાનું જાણવા મળ્યું હતું. જો સમયસર ઈલાજ નહી કરાવે તો દીકરીને ગુમાવવાનો વખત આવવાનો હતો.
ઈલાજનો તમામ ખર્ચ ઉપાડ્યો
આ લાચાર પિતા દીકરીના ઈલાજ માટે લાખો રૂપિયા ક્યાંથી લાવશે તે આઘાતમાં હતો. ત્યારે ઇસનપુર પોલીસ સ્ટેશનના PSI આકાશ વાઘેલા દેવદૂત બનીને આવ્યા હતા. ફૂટપાથ પર નર્સરીને હટાવવા આવેલા PSIએ એક પિતાની વેદના સાંભળી તો તેમનું હદય પણ ભરાઈ ગયું હતું. તેમને 7 વર્ષની દીકરીના ઇલાજનો ખર્ચ સાથે આ પરિવારના ભરણપોષણ માટે પણ મદદરૂપ બન્યા હતા અને પોલીસની માનવતા અને કરુણાની છબી રજૂ કરી હતી.
આકાશ એ વાઘેલાની પ્રેરણાદાયક પ્રવૃત્તિ
વર્ષ 2013ની બેચના પોલીસ સબ ઈન્સ્પેક્ટર આકાશ એ વાઘેલા ગાંધીનગર જિલ્લાના વાવોલ ગામના વતની છે. વાવોલ ખાતે માતા-પિતા, પત્ની અને 3 વર્ષીય પુત્ર સાથે રહે છે. તેઓ ભાવનગર જિલ્લા પોલીસ માં 4 વર્ષ ફરજ બજાવ્યા બાદ પાંચેક વર્ષથી અમદાવાદ શહેર પોલીસમાં ફરજ બજાવે છે. જેમાં શાહીબાગ પોલીસ સ્ટેશન ખાતે સાડા ત્રણ વર્ષ ફરજ બજાવ્યા બાદ તેમની દોઢેક વર્ષ અગાઉ ઈસનપુર પોલીસ સ્ટેશન ખાતે બદલી થઈ હતી. દોઢેક વર્ષથી ઈસનપુર પોલીસમાં એ એ વાઘેલા સર્વેલન્સ સ્કવૉડમાં ફરજ બજાવી રહ્યા છે. સામાન્ય રીતે પોલીસની નકારાત્મક અને તોડબજ છબીને લઈને હંમેશા ચર્ચા થતી હોય છે પરંતુ પોલીસની માનવતા અને કરુણાત્મક છબીનો ઉત્તમ ઉદાહરણ આ કિસ્સા પરથી સામે આવ્યું છે.
હોસ્પિટલમાં ખબર અંતર પૂછવા પણ જાય છે
PSIએ હોસ્પિટલના ઓપરેશનનો તમામ ખર્ચ તો ચૂકવ્યો પરંતુ દીકરીને દરરોજ હોસ્પિટલમાં ખબર અંતર પૂછવા આવીને માતા પિતાની હિંમત પણ વધારી રહ્યા છે. કહેવાય છે કે પાંચેય આંગળીઓ સરખી નથી હોતી. તેવું પોલીસ માટે પણ કહેવાય છે. ક્યાંક પ્રેમ અને કરુણા જોવા મળે છે તો ક્યાંય ભ્રષ્ટ અને તોડબાજ છબી પણ સામે આવે છે. પરંતુ આ પરિવાર માટે તો પોલીસ ભગવાન અને દેવદૂત બનીને આવ્યો છે.
