Ahmedabad :દરિયાપુર અને કાલપુરમાં ક્રાઇમ બ્રાન્ચ પેટ્રોલિંગ કરી રહી હતી ત્યારે બાતમીના આધારે પોલીસે 9 પિસ્તોલ, ૧૭ કારતૂસ સાથે બે આરોપીની ધરપકડ કરી છે.દરિયાપુર અને કાલુપુરમાં રવિવારે રાત્રીના સમયે પોલીસ પેટ્રોલિંગ કરી રહી હતી ત્યારે બાતમી આધારે પોલીસે અસલમખાન પઠાણને બે પિસ્ટલ અને એક દેશી તમંચો સાથે ઝડપી પાડ્યો હતો. આ હથિયાર તેને જુહાપુરામાં રહેતો એક શખ્સ આપી ગયો હોવાનું સામે આવ્યું છે. જ્યારે અન્ય બનાવમાં દરિયાપુર પાસેથી રફીક અહેમદ શેખ નામના વોન્ટેડ આરોપીને ૩ પિસ્ટલ, બે મેઝિન અને છ કારતૂસ સાથે પોલીસે ઝડપી પાડ્યો હતો. આ હથિયાર તે જુહાપુરામાં રહેતા સાહિદખાન પઠાણ અને અસલમખાન પઠાણ પાસેથી લાવ્યો હોવાનું સામે આવ્યું હતું, જ્યારે આ હથિયાર કોઈ ગુનાને અંજામ આપવા લાવ્યા હોય તેવી આશંકાને લઇને પોલીસે તે દિશામાં તપાસ હાથ ધરી છે.
